ملير:شاهه لطيف ٽائون جي گهر مان پوليس اهلڪار جو لاش هٿ

ملير: شاهه لطيف ٽائون جي گهر مان پوليس اهلڪار جو لاش هٿ، علائقي ۾ خوف ۽ هراس، لاش جناح اسپتال منتقل تفصيل موجب بن قاسم تعلقي جي علائقي شاهه لطيف ٽائون سيڪٽر 20 اي جي هڪ گهر مان 50 ورهين جي پوليس اهلڪار فاروق جو ٻه ڏينهن پراڻو لاش هٿ آيو، ٿاڻي شاهه لطيف پوليس کي علائقي جي رهواسين اطلاع ڏنو ته گهر مان ڪنهن مئل شيءَ جي ڌپ اچي رهي آهي، پوليس اهڙي اطلاع تي پهچي گهر جو تالو ٽوڙي اندر داخل ٿي جاچ ڪئي ته هڪ همراهه جو لاش پيل نظر آيو جنهن جي سڃاڻپ پوليس اهلڪار فاروق طور ڪئي وئي، جنهن بعد ايڌي ايمبولينس ذريعي لاش کي جناح اسپتال روانو ڪيو ويو.