پير جو ڳوٺ
صدرجي ڀٽيون ۾ قرآن پاڪ پرواز ڪري لٿو
پير جو ڳوٺ (رپورٽر) پيرڳوٺ لڳ صدرجي ڀٽيون ۾ مشهور درگاهه شهيد بادشاهه تي قدرتي معجزي طور قرآن پاڪ پرواز ڪري لٿو، سوين ماڻهن زيارت لاءِ پهتل، رپورٽ موجب، پيرڳوٺ لڳ صدرجي ڀٽيون شهر ۾ مشهور درگاهه شهيد بادشاهه تي قدري معجزي طور شهيد ٿيل قرآن پاڪ پرواز ڪري لٿو آهي اهڙو معجزو علائقي جي سوين ماڻهن ڏٺو ان سلسلي ۾ اکين ڏٺي شاهد گل فقير سهتو ٻڌايو ته درگاهه تي ويٺل هئاسين ته اوچتو درگاهه مٿان روشني ٿي وئي ۽ ٻرندڙ لاٽ ڏسي حيران ٿي وياسين. جنهن بعد درگاهه اندر قرآن پاڪ پرواز ڪري لٿو، هوڏانهن اهڙي معجزي بعد علائقي جا سوين ماڻهو درگاهه تي پهچي زيارت ڪري رهيا آهن. جڏهن ته علائقي جي سماجي تنظيم مهراڻ ايجوڪيشنل سوسائٽي جي اڳواڻ نظر حسين چنه پاران درگاهه تي خيرات پڻ ڪئي وئي.