صدرجي ڀٽيون جي شهرين پاران شهر ۾ وڌندڙ گندگي خلاف احتجاجي مظاهرو
پيرجو ڳوٺ (رپورٽر) صدرجي ڀٽيون جي شهرين پاران شهر ۾ وڌندڙ گندگي ۽ يوسي سيڪريٽري خلاف احتجاجي مظاهرو ڪري بس اسٽاپ وٽ ڌرڻو هنيو ويو، احتجاج ڪندڙن جي اڳواڻي سيد فياض شاهه، الهڏنو پيرزادو، ناهيد علي شيخ، مولا بخش جوڻيجو، بخشڻ عباسي ۽ ٻيا ڪري رهيا هئا ان موقعي تي شهرين جو چوڻ هو ته شهري ۾ گذريل ڪيترن مهينن کان صفائي وارو عمل غائب آهي جڏهن ته يوسي سيڪريٽري آفيس وڃون ٿا ته آفيس هميشه بند پيل آهي جڏهن ته شهر ۾ گندگي جو آزار ايترو وڌي ويو آهي جو شهر جي بازار، چوراهن توڙي گهرن اندر گندو ۽ بدبودار پاڻي بيٺل هئڻ سان گڏ گند ڪچري جا ڍير لڳي ويا آهن جنهنڪري شهري سخت پريشان حال ٿي ويا آهيون شهرين وزير اعليٰ سنڌ ۽ پبلڪ هيلٿ جي اعليٰ اختيارين کان گهر ڪئي ته شهر مان گندگي جو آزار ختم ڪرايو وڃي ٻي صورت ۾ سخت 28 جولاءِ تي شهر ۾ شٽڙبند هڙتال ڪري ڌرڻو هنيو ويندو.