شھداد ڪوٽ بجلي جي ڪريل تارن ۾ ٻار وچڙي فوت

شهدادڪوٽ ويجھو سجاول جوڻيجو ۾ يارنهن هزار ڪي وي جي ڪريل بجلي جي تار ۾ (7) ورهين جو نينگر وچڙي فوت ٿي ويو ، پير محمد شاه پاڙي ۾ يارنهن هزار ڪي وي بجلي جي تار اوچتو ٽُٽي ڪري پئي جنهن ۾ (7) ورهين جو ٻارڙو مشتاق پٽ حاڪم مگسي وچڙي ڪرنٽ لڳڻ سبب فوت ٿي ويو ، هوڏانهن ٻارڙي جو اوچتو لاش گھر پهتو ته ماتم مچي ويو ، هوڏانهن شهرين ميڊيا وارن کي ٻڌايو ته هنن جھڪيل تارن بابت ڪيترائي ڀيرا واپڊا عملي کي شڪايتون ڪيو پر تارن جي مرمت نه ڪئي وئي ، فوتي نينگر جي وارثن گھر ڪئي آهي ته واپڊا عملدارن خلاف ڪيس داخل ڪري کين انصاف ڏياريو وڃي