شهدادڪوٽ: پاڻي جي کوٽ خلاف احتجاجي مظاهرو

شهدادڪوٽ ويجھو آبادگارن پاڻي جي کوٽ خلاف احتجاجي مظاهرو ڪري ڌرڻو هنيو ، احتجاج ڪندڙن ۾ پ پ اڳواڻ رئيس بخشل علي مگسي ، صفدر مگسي ، علي حسن پتوجو ، فدا چنه ۽ ٻين جي اڳواڻي ۾ حاڪم شاه پل وٽ لاڙڪاڻي مين روڊ تي ڌرڻو هنيو ، ڌرڻي سبب سنڌ ۽ بلوچستان جي مختلف شهرن ڏانهن ايندڙ ، ويندڙ گاڏيون قطارن ۾ بيهجي ويون ، ان موقعي تي اڳواڻن ميڊيا سان ڳالهائيندي چيو ته واره ڪينال مان نڪرندڙ ڪور مائينر ، گل شاخ ، ڇوءڙي شاخ ، محبت مائينر ، سميت ٻين شاخن ۾ پاڻي کوٽ آهي ، جنهن ڪري هتان جا آبادگار سخت پريشان آهن ، هنن پاڻي جي هٿرادو کوٽ ختم ڪري آباد گارن کي نقصان کان بچائڻ جو مطالبو ڪيو آهي ، هنن ٻي صورت ۾ سخت احتجاج جو چتاء ڏنو آهي .