شهدادڪوٽ ويجهو تيز رفتاريءَ سبب مسافر ويگن ڪلٽي

شهدادڪوٽ (رپورٽ :ضميرکرل) شهدادڪوٽ ويجهو تيز رفتاريءَ سبب مسافر ويگن ڪلٽي ٿي پئي، جنهن جي نتيجي ۾ 3 عورتن سميت 10 مسافر زخمي ٿي پيا،جڏهن ته ڊرائيور فرار ٿي ويو، قبي سعيد خان روڊ تي مير ڪرم خان بروهي پيٽرول پمپ وٽان شهدادڪوٽ کان ڪچي پل ويندڙ مسافرن سان ڀريل ويگن تيز رفتاريءَ سبب ڪلٽي کائي کاهيءَ ۾ وڃي ڪري جنهن جي نتيجي ۾ 10 ورهين جو نينگر قيوم ٻرڙو، شفيع کوسو، لشمن اوڏ ، منيرکوسو، عباس مگسي ۽ 3 عورتن سميت 10 ڄڻا زخمي ٿي پيا آهن، واقعي بعد ڊرائيور ويگن ڇڏي فرار ٿي ويو، زخمين کي شهر جي سرڪاري توڙي پرائيوٽ اسپتالن اندر داخل ڪيو ويو آهي ، زخمين مان نينگر قيوم ٻرڙي جي حالت نازڪ ٻڌائي وڃي ٿي، واقعي واري هنڌ موجود ماڻهن ٻڌايو ته ويگن تيز رفتاريءَ سان اچي رهي هئي ته اوچتو رستي ويندڙ ٻار کي بچائيندي ڊرائيور جي ڪنٽرول مان نڪري ڪلٽي ٿي کاهيءَ ۾ وڃي ڪري.