مختصر خبرون
خيرپور ۾ جسقم پاران ذوالفقار آباد رٿا خلاف احتجاجي مظاهرو
خيرپور(رپورٽ شڪيل احمد جانوري) خيرپور ۾ جسقم پاران ذوالفقار آباد رٿا خلاف احتجاجي مظاهرو. تفصيل موجب خيرپور ۾ جسقم طرفان ذوالفقار آباد رٿا خلاف سوڪ سينٽر خيرپور کان پريس ڪلب خيرپور تائين ريلي ڪڍي مظاهرو ڪيو ويو. ان موقعي تي جسقم اڳواڻن اڪبر مڪول، لياقت جتوئي، سجاد شاهه، پرويز انصاري، خرم مهيسر ۽ سجاد سنڌي خطاب ڪندي چيوته سنڌ ۾ ذوالفقار آباد رٿا هڪ نئون اسرائيل اڏڻ جي سازش آهي. هنن چيوته اگر پيپلزپارٽي کي سنڌ جو ايتروئي فڪر آهي ته سنڌ جي ڳوٺن کي ڊولپ ڪري باقي سنڌ دشمني واري روش کي بند ڪرڻ گهرجي نه ته ٻي صورت ۾ پ پ جا اڳواڻ سنڌ ۾ پنهنجي اليڪشن به نه هلائي سگهندا.