جون ۾ خيرپورپوليس مختلف ڪاروايون ڪندي 15 اشتهاري ڏوهارين کي گرفتار ڪيو

خيرپور: ايس ايس پي خيرپور عرفان بلوچ ضلعي پوليس جي جون مهيني 2012 جي ڪارڪردگي رپورٽ ڄاڻيندي ٻُڌايو آهي ته جون مهيني دوران ضلعي پوليس مختلف ڪاروايون ڪندي 15 اشتهاري ڏوهارين، 20 روپوش ۽ 23 ڌاڙيلن کي گرفتار ڪيو ويو آهي جڏهن ته پوليس مقابلي ۾ 03 ڌاڙيل مارجي ويا ۽ ٻن کي زخمي حالت ۾ گرفتار پڻ ڪيو ويو. ضلعي پوليس مختلف علائقن ۾ ڇاپا هڻي مختلف غير قانوني هٿيار پڻ هٿ ڪيا آهن جن ۾ 3 رائيفلون، هڪ مائوزر، 30 پسٽل، 10 بندوقون، 71 ڪارتوس، 22 گولين جا کول پڻ شامل آهن. پوليس مختلف ڪاروايون ڪندي 14 سماج دُشمن عناصرن 107 سي آر پي سي ۽ ٻن پاٿاريدارن کي پڻ گرفتار ڪيو آهي. ان کانسواءِ خيرپور پوليس 13 ڪلو 900 گرام چرس ۽ 10 ڪلو 500 گرام ڀنگ پڻ هٿ ڪئي آهي.