ابراهيم حيدري لڳ سمنڊ ۾ مهاڻن سان ڀريل ٻيڙي اونڌي

ملير:ابراهيم حيدري لڳ سمنڊ ۾ مهاڻن سان ڀريل ٻيڙي اونڌي ٿي ويئي، 6 مهاڻن مان 3 ٻڏي ويا جڏهن ته ٽن کي بچايو ويو، لاپته مهاڻن جي ڳولا جاري تفصيل موجب گذريل رات ابراهيم حيدري جي عمر ڪالوني جي 6 مهاڻن سان ڀريل ٻيڙي الرحمان نمبر 17100_بي مڇي مارڻ بعد واپس سمنڊ ڪناري اچي رهيا هئا ته ڪورنگي ڪريڪ وٽ تيز لهرون ٽڪرائڻ سبب ٻيڙي اونڌي ٿي ٻڏي ويئي جنهنجي نتيجي ۾ 6 مهاڻا سمنڊ ۾ ڪري پيا، ان دوران اتان لنگهندڙ هڪ ٻئي ٻيڙي جي مهاڻن ٽن مهاڻن يوسف ولد ابراهيم، صديق ولد ابراهيم ۽ عابد ولد يوسف کي بچائي ورتو جڏهن ته 3 مهاڻا عبدالڪريم ولد يوسف، عبدالغني ولد طيب ۽ آدم ولد ابراهيم سمنڊ ۾ لڙهي گم ٿي ويا. اطلاع تي ابراهيم حيدري جا مهاڻا هوڙا کڻي مهاڻن جي ڳولا ۾ نڪري ويا پر شام تائين گم ٿيل مهاڻن جو پتو نه پئجي سگهيو.