پير جو ڳوٺ
آفر آرڊر نه ملڻ خلاف پيرڳوٺ ۾ احتجاجي مظاهرو
پير جو ڳوٺ (رپورٽر) پي ايس ٽي پاس اميدوارن پاران آفر آرڊر نه ملڻ خلاف پيرڳوٺ ۾ احتجاجي مظاهرو ڪيو ويو احتجاج ڪندڙن جي اڳواڻي سعيد لاکو، عطاءُ الله شيخ، امتياز لاشاري، عبيد الله ڌاريجو، ڪاشف انصاري، عبدالغني ميمڻ ۽ بيا ڪري رهيا هئا ان موقعي تي احتجاج ڪندڙ جو چوڻ هو ته اسان سنڌ يونيورسٽي معرفت ورتل ماستري جي ٽيسٽ پاس ڪئي آهي پر تنهن باجود سرڪار اسان کي ٻه سال گذري وڃڻ باوجود آفر آرڊر نٿي ڏئي جنهنڪري اسان سخت پريشان حال ٿي ويا آهيون هنن تعليم جي صوبائي وزير کان گهر ڪئي ته جلد آفر آرڊر ڏئي پريشاني ختم ڪئي وڃي ٻي صورت ۾ سخت احتجاج ڪيو ويندو