نادرا جون ٽيمون مختلف علائقن جو دورو ڪنديون

خيرپور : ڊپٽي ڊائريڪٽر (ايم آر ويز) نادرا ريجنل هيڊ ڪوارٽر سکر، خيرپور ضلعي جي مختلف يونين ڪائونسلن اندر ماڻهن کي سندن علائقن ۾ قومي شناختي ڪارڊ ٺاهي ڏيڻ جي سهولت فراهم ڪرڻ لاءِ نادرا جي موبائيل وينز جو شيڊيول پڌرو ڪندي ڄاڻايو آهي ته ڪنگري ۽ ڪوٽ ڏجي تعلقن جي مختلف يونين ڪائونسلن ۾ موبائيل وين نمبر 14 مقرر ڪئي وئي آهي جيڪا نادرا جي پوري ٽيم سان 20 جولاءِ 2012 تائين مختلف ڳوٺن ۾ قومي شناختي ڪارڊ ٺاهي ڏيڻ جي سهولت لاءِ روزانو روانو ٿيندي. جڏهن ته تعلقي گمبٽ ۽ سوڀوديرو لاءِ وين نمبر 20 جڏهن ته تعلقي فيض گنج لاءِ موبائيل نمبر 21 پڻ 20 جولاءِ تائين روزانو مختلف يونين ڪائونسلن جي ڳوٺن ۾ عام ماڻهن کي قومي شناختي ڪارڊ ٺاهي ڏيڻ جي سهولت لاءِ روانيون ٿينديون جڏهن ته عام ماڻهن کي نادرا عملي سان رابطي لاءِ گذارش ڪئي وئي آهي.