شهدادڪوٽ ۾ سينئر صحافي ارشاد گلاباڻي جي لاڏاڻي تي تعزيتي ميڙاڪو

شهدادڪوٽ ۾ سينئر صحافي ارشاد گلاباڻي جي لاڏاڻي تي تعزيتي ميڙاڪو ڪوٺايو ويو ، نيشنل پريس ڪلب پاران ڪوٺايل ميڙاڪي ۾ نيشنل پريس ڪلب جي صدر ۽ سينئر صحافي ضمير کرل ، جنرل سيڪريٽري واحدبخش ڀٽي ، شبير ڪمبوه ، عباس مگسي ، شاهد اعواڻ ، علي نواز مگسي سميت صحافين وڏي انگ ۾ شرڪت ڪئي ، ان موقعي صحافين ڳالهائيندي چيو ته اشاد گلاباڻي سنڌ جي صحافت کي نوان لاڙا ڏيندڙ حريت پسند صحافي هو ، جنهن جديد صحافت وسيلي سنڌ جي بي پهچ عوام جو آواز ايوانن تائين پهچائي سندن مسئلن کي حل ڪرائڻ لاء ڪردار ادا ڪيو، هنن چيو ته سندس اوچتو وڇوڙو سنڌ جي صحافتي دنيا ۾ هڪ وڏو خال آهي . ان موقعي تي سداحيات صحافي جي روح کي ثواب پهچائڻ لاء فاتحه پڻ پڙهي وئي .