خيرپور: ڀاءُ ڀيڻ راند ڪندي ميرواهه ڪئنال ۾ ٻڏي ويا
خيرپور (رپورٽ شڪيل احمد جانوري) خيرپور جي ڀرڳڙي ريگيوليٽر وٽ پورهيو ڪندڙ لاڏائو خاندان ڀاءُ ڀيڻ راند ڪندي ميرواهه ڪئنال ۾ ٻڏي ويا، لاش هٿ نه آيا تفصيل موجب خيرپور جي ڀرڳڙي ريگيوليٽر وٽ پورهيو ڪندڙ لاڏائو خاندان ڪمبير شر جي اٺ سالا ڌيءُ ڪرشما ۽ ڇهه سالا پٽ فراز شر ٻڏي ويا، جڏهن ته جڏهن ته ٻڏي ويل ٻارڙن جا لاش هٿ نه آيا اي سيڪشن پوليس ٽوٻا گهرائي ٻارڙن جا لاش ڳولهرائي رهي آهي ٻڌايو وڃي ٿو ته ٻڏي ويل ٻارڙا احمد پور جي ڳوٺ مبارڪ شر جا رهواسي هيا ۽ سندن پيءُ ماءُ ڀرڳڙي ريگيوليٽر ڀرسان تمبو اڏي گهر ٺاهيا هيا ۽ کارا ٺاهي پيٽ گذر ڪندا هيا جڏهن ته اهو به ٻڌايو وڃي ٿو ته ٻئي ٻارڙا ميرواهه ڪئنال جي ڀڪ تي راند تڏي رهيا هيا ته معصوم ٻارڙو فراز واهه ۾ ڪري پيو ته سندس ڀيڻ بچائڻ لاءِ واهه ۾ ٽپو ڏنو ۽ ٻئي ٻارڙا ٻڏي ويا آخري اطلاعن تائين ٻڏي ويل ٻارڙن جا لاش هٿ نه آيا آهن. جڏهن ته ٻڏي ويل ٻارڙن جي ماءُ پيءُ کي بيهوشي جا دورا پئجي رهيا آهن.