وينجهار جو تازو شمارو ڇپجي ويو

ڪراچي: سنڌي زبان ۾ گذريل 28 سالن کان ڇپجندڙ ديني،سياسي،علمي،ادبي ۽ تجزياتي رسالو وينجهار ميگزين جو تازو شمارو شايع ٿي ويو آهي.جنهن جي ٽائيٽل اسٽوري”12 مئي کان 22 مئي تائين پر…..اڃان ڪيستائين ؟“ جڏهن ته ملڪي ۽ عالمي صورتحال جي حوالي سان مضمون مصر ۾ صدارتي چونڊون، سنڌ جي دردن جو درمان ڪير ڪندو ؟، ملي يڪجهتي ڪونسل جي بحالي، امن جي آشا ۽ دهليءَ جي ڀاشا، گم ٿيل ماڻهو ۽ اسان جون ذميواريون، معراج جو سفر، فڪرِ آخرت، زڪوات جي فضيلت ۽ اهميت ، يورپ ۾ مسلمانن خلاف تهذيبي جنگ، ۽ ان کان علاوه نمائندن جون رپورٽون،ڀلوڙ شاعرن جي نڪور شاعري ۽ ٻيا مستقل سلسلا شامل آهن