نادرا ريجنل هيڊڪوآرٽر سکر جون گشتي ٽيمون مختلف ضلعن جو دورو ڪنديون

سکر(بيورورپورٽ) نادرا ريجنل هيڊڪوآرٽر سکر جون گشتي موبائل گاڏيون ضلعي گهوٽڪي، لاڙڪاڻو، سکر، شڪارپور، ڪنڌڪوٽ، جيڪب آباد ۽ شهدادڪوٽ ايٽ قمبر جي ٻهراڙي وارن علائقن جي ماڻهن کي ڪمپيوٽرائزد قومي شناختي ڪارڊ جاري ڪرڻ جي سلسلي ۾ مختلف جڳهن جو دورو ڪري رهيون آهن. تفصيل مطابق ضلعي گهوٽڪي جي تعلقه خانپور جي يوسيز، ضلع لاڙڪاڻي تعلقه رتوديرو جي يوسيز، ڊسٽرڪٽ لاڙڪانه ۽ تعلقه جي يوسيز، ضلع شڪارپور جي يوسي رحيم داد، زرخيل خانپور، يوسي رڪ، لکي تعلقه جي يوسيز ، ضلع ڪشمور ايٽ ڪنڌڪوٽ تعلقه ڪنڌڪوٽ جي يوسيز، ضلع جيڪب آباد جي تعلقه ٺل، يوسي احمدپور، ڳڙهي چاند، رمضانپور تعلقه ضلع جيڪب آباد جي يوسيز، ضلع شهدادڪوٽ جي ميروخان جي يوسيز ۽ تعلقه سجاول جي يوسيز ۽ ضلع سکر جي يوسي بچل شاهه مياڻي تعلقه نيو سکر يوسي 24 ٽرمونهن تعلقه روهڙي ۽ يوسي ترائي، تعلقه صالح پٽ جي يوسيز ۾ 11 جون کان 22 جون 2012 تائين نادرا جون موبائل گاڏيون ماڻهن کي قومي شناختي ڪارڊ ٺاهي ڏيڻ جي سهولت فراهم ڪرڻ لاءِ نادرا جون موبائل ٽيمون گشت ڪري ماڻهن کي ڪمپيوٽرائزد قومي شناختي ڪارڊ ٺاهي ڏيڻ ۾ مدد فراهم ڪنديون. ماڻهن کي گهرجي ته هو نادار جي ٽيمن سان قومي شناختي ڪارڊ حاصل ڪرڻ لاءِ لهه وچڙ ۾ اچن.