ميونسپل ڪاميٽي جي ڪچن ملازمن جو احتجاجي مظاھرو
ضمیر کرل، شهدادڪوٽ
شهدادڪوٽ ۾ ميونسپل ڪاميٽي جي ڪچن ملازمن (12)سالن کان پڪو نه ڪرڻ خلاف احتجاجي مظاهرو ڪري ڌرڻوهنيو ، احتجاج ڪندڙ ملازمن نويد شيخ ، طارق ، محمدصالح ،عمران شيخ ۽ ٻين جي اڳواڻي ۾ هٿن ۾ ٻُهارا ۽ پلي ڪارڊ کڻي ڪوٽوموٽو چوڪ تي احتجاجي مظاهرو ڪندي ٽائر ساڙي ڌرڻو هنيو ، جنهن سبب ٽريفڪ معطل ٿي وئي ، ان موقعي تي اڳواڻن ميڊيا وارن سان ڳالهائيندي چيو ته هُو ٻارنهن سالن کان پنهنجو خون ولوڙي شهرين جي خدمت ڪري رهيا آهن پر اڃان تائين کين پڪو ناهي ڪيو ويو ، هنن گھر ڪئي ته گھر ويٺي پگھارون کڻندڙ مفت خورن کي هٽائي کين پڪو ڪري وڌيڪ تڪليفن کان بچايو وڃي ، ٻي صورت ۾هنن سخت احتجاج جو چتاءُ ڏنو آهي .ٻئي پاسي چيف سينيٽري انسپيڪٽر ۽ ميونسپل ايمپلائيز يونين جي صدر مقبول احمد شاهاڻي ۽ ٻين ميونسپل عملدارن ڌرڻي واري هنڌ پهچي احتجاج ڪندڙن کي مسئلي جي حل جي خاطري ڪرائي احتجاج ختم ڪرايو.