صدر آصف علي زرداري سينٽ پيٽرزبرگ انٽرنيشنل اڪنامڪ فورم ۾ شرڪت ڪندو

اسلام آباد : صدر آصف علي زرداري سينٽ پيٽرزبرگ انٽرنيشنل اڪنامڪ فورم ۾ شرڪت جي لاءِ 20 کان 22 جون تائين روس جو سرڪاري دورو ڪندو، صدر سينٽ پيٽرزبرگ جي تاريخي شهر ۾ ٻين عالمي اڳواڻن سان گڏ اجلاس ۾ شرڪت ڪندو، جتي اهم اقتصادي چئلينجن جي نشاندهي ۽ انهن جو حل ڳولڻ لاءِ هر سال دنيا مان مشهور شخصيتون فورم ۾ شريڪ ٿين ٿيون. هن سال جو موضوع موثر قيادت آهي. ان موقعي تي صدر آصف علي زرداري عالمي معيشت کي درپيش مسئلن ۽ علائقائي ۽ عالمي ايجنڊا جي جوڙجڪ ۾ اڀرندڙ اقتصادي طاقتن جي وڌندڙ ڪردار کي اجاگر ڪندو. صدر آصف علي زرداري ان موقعي تي قيادت جي حوالي سان هڪ پينل مباحثي ۾ شرڪت کانسواءِ روسي هم منصب ولاديمير پيوٽن سميت ڪيترن ئي عالمي اڳواڻن ۽ عالمي شخصيتن سان ملاقاتون به ڪندو.