شهدادڪوٽ ۾ جيئي سنڌ محاذ پاران مظاھرو جاري
شهدادڪوٽ (ضمير کرل) شهدادڪوٽ ۾ جيئي سنڌ محاذ پاران مرڪزي اڳواڻ حبدار ميرجت تي ڪيس داخل ڪرڻ واري عمل خلاف ٻئي ڏينهن به احتجاجي مظاهرو ڪري بک هڙتال ڪئي وئي مختلف تنظيمن جي ڪارڪنن ذوالفقار ميرجت ،سيد جعفرشاه ، مختيار ميرجت ۽ٻين جي اڳواڻي ۾ ڪوٽوموٽو چوڪ تي احتجاجي مظاهرو ڪري بک هڙتال ڪئي ، ان موقعي تي اڳواڻن ميڊيا وارن سان ڳالهائيندي چيو ته جسم جي مرڪزي اڳواڻ حبدار ميرجت مٿان شهدادڪوٽ پوليس با اثر ماڻهن جي چوڻ تي اکيون ٻوٽي ڪوڙو ڪيس داخل ڪيو آهي هنن مرڪزي اڳواڻ مٿان داخل ڪوڙي ڪيس جي سخت لفظن ۾ مذمت ڪندي مٿس داخل ڪوڙو ڪيس ختم ڪري شهرين ۽ قومي ڪارڪنن ۾ پکڙيل بي چيني کي ختم ڪري ڪوڙي ڪيس داخل ڪرائيندڙ خلاف ڪاروائي جو مطالبو ڪيو آهي ٻي صورت ۾ هنن احتجاج جي دائري وڌائڻ جو چتاء ڏنو آهي ،جڏهن ته بک هڙتال ۾ شهر جي مختلف سياسي ،سماجي تنظيمن جي ڪارڪنن پڻ حصو ورتو.