رپورٽ: ضميرکرل،شهدادڪوٽ
نذير بروهي جا وارث قرآن پاڪ سميت مظاھرو ڪندي شهدادڪوٽ مان هڪ ڏينهن اڳ اغواٿي ويل سوناري کي پوليس بازياب ناهي ڪرائي سگهي، مغوي نوجوان جي گهر ۾ سندس بازيابي لاءِ قرآن پاڪ جي ورد ۽ درود صلواتن جو سلسلو جاري آهي ، شهدادڪوٽ جي (بي) سيڪشن ٿاڻي جي حد مان اغوا ٿي ويل ڳوٺ قيصر بروهي جي رهواسي سوناري نذير بروهي کي پوليس 24 ڪلاڪ گذري وڃڻ باوجود بازياب ناهي ڪرائي سگهي، مغوي نوجوان جي گهر ۾ سوڳ واري لهر پکڙيل آهي جڏهن ته سندس بازيابي لاءِ گهر اندر درود ،صلواتن ۽ قرآن پاڪ لوڏڻ سوڌو پاڪ ڪتاب جو ورد جاري آهي، مغوي نوجوان جي وارثن ميڊيا وارن کي ٻڌايو ته سندن ۾مغوي نوجوان دوڪان بند ڪري ڪالهه شام گهر اچي رهيو هو ته ڳوٺ ويجهو هٿيار بند کيس کنڀي کڻي ويا آهن، هنن ٻڌايو ته پوليس مغوي جي بازيابي جي سلسلي ۾ ڪا به مدد ناهي ڪئي جنهن ڪري گهر ۾ سوڳ پکڙيل آهي
