انجنيئر ۽ ايم ڊي ڪراچي واٽر بورڊ کان ٽن سالن جي ٻارڙي جي موت تي جواب طلب ڪري ورتو

ڪراچي صوبائي محتسب اسد اشرف ملڪ پاڻمرادو نوٽيس وٺندي سيڪريٽري پبلڪ هيلٿ انجنيئرنگ ۽ ايم ڊي ڪراچي واٽر اينڊ سيوريج بورڊ کان ٽن سالن جي ٻارڙي جي موت تي فوري طور رپورٽ طلبي ورتي آهي. تفصيل مطابق مقامي اخبار ۾ ڇپيل خبر مطابق شرافي ڳوٺ ضلعي ملير روڊ جي تعمير دوران هيوي مشينري جي استعمال جي ڪري سيوريج لائن ۾ هول جو ڍڪ ٽٽي ويو هو، جنهن جي مرمت جو ڪم لاڳاپيل ادارن جي ذميواري هئي جيڪو ادا نه ڪيو ويو، لاڳاپيل ادارن جي غفلت ۽ لاپرواهي جي ڪري ٽن سالن جو ٻارڙو گٽر ۾ ڪري فوت ٿي ويو. جنهن تي محتسب اعليٰ سنڌ پاڻمرادو نوٽيس وٺندي لاڳاپيل ادارن جي سربراهن کي ٽن سالن جي ٻارڙي جي موت تي فوري جواب طلبي ڪئي آهي.