ڪيترائي سال گذرڻ باوجود سندن ڪوبه پروموِشن نه ڪيو ويو آهي، جي ايس ٽي استاد

پير جوڳوٺ (رپورٽر) پيرڳوٺ ۾ جي ايس ٽي استادن پاران ناظم شيخ، مير عنايت ٽالپر، حميد کنڀڙو، روشن گهمرو ۽ ٻين پيرڳوٺ ۾ پريس ڪانفرنس ڪندي چيو آهي ته سنڌ جي هزارين جي ايس ٽيز سان ماٽيلي ماءُ وارو سلوڪ ڪيو ٿو وڃي جيڪي پنهنجي مقرري واري ٽائيم کان وٺي هن وقت تائين ساڳئي گريڊ ۽ ڪيڊر ۾ ڪم ڪري رهيا آهن ڪيترائي سال گذرڻ باوجود سندن ڪوبه پروموِشن نه ڪيو ويو آهي جيڪا وڏي به اکيائي آهي هنن وڌيڪ چيو ته 2010 ۾ سنڌ سرڪار پاران ڏنل ٽائيم اسڪيل جو به استادن کي ڪو فائدو نه ڏنو ويو جيڪا پڻ وڏي ناجائزي آهي هنن سرڪار کان گهر ڪئي آهي ته ٻين ملازمن جيان جي ايس ٽي استادن جا پروموشن ڪري پريشاني ختم ڪئي وڃي.