مستحق شاگردن ۽ شاگردياڻين کي ضلعي زڪوات ڪاميٽي پاران مالي سائتا 2۽ 3 جون تي ڪئي ويندي
خيرپور: چيئر مين ضلعي زڪوات ۽ عُشر ڪاميٽي فقير شير علي ڏيٿو ڄاڻايو آهي ته ضلعي جي مختلف تعليمي ادارن ۾ پڙهندڙ مستحق شاگردن ۽ شاگردياڻين کي ضلعي زڪوات ڪاميٽي پاران مالي سائتا ڪئي پئي وڃي ان سلسلي ۾ گورنمينٽ ووڪيشنل (گرلز) اسڪول بگو ديرو تعلقو ڪوٽ ڏجي، گورنمينٽ وومين ڪاليج خيرپور، گورنمينٽ ناز پائليٽ سيڪنڊري اسڪول خيرپور، گورنمينٽ ووڪيشنل (گرلز) اسڪول گمبٽ ۾ 02 ۽ 03 جون 2012 تي اسڪالرشپ چيڪ ورهائڻ جون مختلف تقريبون منعقد ڪرايون وينديون جنهن ۾ مهمانِ خاص چيئرپرسن اين سي ايڇ ڊي ايم اين اي ڊاڪٽر سيده نفيسه شاهه جيلاني، چيئرمين سنڌ زڪوات ڪائونسل ڪراچي جسٽس رٽائرڊ زاهد ڪي علوي هوندا. جڏهن ته ان موقعي تي ريڊ ڪريسينٽ، سٽي، سول اسپتال خيرپور ۽ گمبٽ انسٽيٽيوٽ آف ميڊيڪل سائنسز ۾ زڪوات سينٽرن جو پڻ افتتاح ڪيو ويندو. ان سلسلي ۾ ضلعي زڪوات آفيسر فرمان علي ٽانوري سان رابطو ڪري وڌيڪ معلومات حاصل ڪري سگهجي ٿي.