پاڪستان نيوي ۾ بطور سيلر جي ڀرتي لاءِ رجسٽريشن جاري آهي

خيرپور: ڪمانڊر پاڪستان نيوي آفيسر انچارج ذوالفقار احمد ڄاڻايو آهي ته پاڪستان نيوي ۾ بطور سيلر جي ڀرتي لاءِ رجسٽريشن جاري آهي جنهن لاءِ دلچسپي رکندڙ غير شادي شده مئٽرڪ پاس نوجوان جن جي عمر 16 کان 20 سال ۽ قد 5 فُٽ 4 انچ هجي ته اُهي پنهنجن گهربل تعليمي سرٽيفڪيٽس ۽ ڊوميسائيل جو ٻه عدد فوٽو ڪاپيون ساڻ 4 عدد پاسپورٽ سائيز تصويرون، ڪمپيوٽرائيزڊ شناختي ڪارڊ کڻي ڊائريڪٽر ريڪروٽمينٽ نيول هيڊ ڪوارٽرس اسلام آباد جي نالي 50 روپين جو ڪراس پوسٽل آرڊر يا نقد 50 روپين سان گڏ موڪلي ڏين. جڏهن ته اهليت رکندڙ اميدوار رجسٽريشن ۽ وڌيڪ معلومات لاءِ پاڪستان نيوي جي ويب سائيٽ www.joinpaknavy.gov.pk وزٽ ڪري سگهن ٿا ۽ سکر ۾ آرمي پبلڪ اسڪول جي ڀرسان آرمي جي پي اين ريڪرومينٽ اينڊ سليڪشن سينٽر تي پڻ روبرو يا رابطو ڪري رجسٽريشن جي حوالي سان وڌيڪ معلومات حاصل ڪري سگهن ٿا. ان سلسلي ۾ رجسٽريشن جي آخري تاريخ 08 جون 2012 مقرر ڪئي وئي آهي.