مختصر خبرون
هيڊ ماسترياڻي جي زيادتين خلاف شاگردياڻين جومظاھرو
پير جو ڳوٺ (رپورٽر) گرلس پرائمري اسڪول پريالوءِ جي هيڊ ماسترياڻي جي زيادتين خلاف شاگردياڻين جو پيرڳوٺ ۾ احتجاجي مظاهرو ڪري ڌرڻو هنيو ويو، احتجاج ڪندڙن جي اڳواڻي رابعيه اسمه، فردوس شيخ ۽ بيون ڪري رهيون هيون ان موقعي تي شاگردياڻين جو چوڻ هو ته پريالوءِ گزلس پرائمري اسڪول جي هيڊماسترياڻي محموده مهر پنجون پاس سرٽيفڪيٽ ڏيڻ عيوض سرعام مسڪين شاگردياڻين کان في سرٽيفڪيٽ تي 500 رپيه رشوت گهري رهي آهي رشوت نه ڏيڻ تي شاگردياڻين کي مختلف جواز ڄاڻائي موٽائي ڇڏي ٿي جنهنڪري اسان سخت پريشان حال ٿي ويون آهيون ۽ اسان ڇهين ڪلاس ۾ داخله وٺڻ کان پڻ محروم بڻيل آهيون شاگردياڻين تعليم جي صوبائي وزير کان گهر ڪئي ته ڄاڻايل هيڊماسترياڻي جي ظلمن جو نوٽيس وٺي اسانکي جلد سرٽيفيڪٽ جاري ڪري تعليمي سال بچايو وڃي.