زندگي کي سخت خطرو آهي، تحفظ فراهم ڪيو وڃي
پير جوڳوٺ (رپورٽر) حملي آور جوابدار ڪيس تان هٿ کڻڻ جون ڌمڪيون ڏئي رهيا آهن، زندگي کي سخت خطرو آهي، تحفظ فراهم ڪيو وڃي، پورهيت جون پيرڳوٺ ۾ صحافين آڏو دانهون، رپورٽ موجب، پيرڳوٺ لڳ ڳوٺ بهار لاڙڪ جي پورهيت اعجاز لاڙڪ پيرڳوٺ ۾ صحافين آڏو دانهيندي چيو آهي ته ٻه هفتا اڳ آئون شهر کان گهر وڃي رهيو هيس ته گرڊ اسٽيشن پيرڳوٺ موڙ وٽ جوابدارن شعيب ڪانهر، خالد، ساجد ۽ زاهد ڪانهر مون مٿان بيگناهه حملو ڪري قتل ڪرڻ جي ڪوشش ڪئي پر رستي ويندڙن بچائي ورتو هن چيو ته مون اهڙو ڪيس پيرڳوٺ ٿاڻي تي ڄاڻايل جوابدارن مٿان داخل ڪرايو آهي پر جوابدار بااثر آهن جيڪي گرفتار نٿا ٿين ويتر جوابدار مونکي ڪيس تان هٿ کڻڻ لاءِ ڌمڪيون ڏئي رهيا آهن ۽ ڪيس تان هٿ نه کڻڻ جي صورت ۾ هنن مونکي خاندان سميت قتل ڪرڻ جي ڌمڪي ڏني آهي جنهنڪري آئون خاندان سميت سخت پريشان ٿي ويو آهيان هن آءِ جي سنڌ کان گهر ڪئي ته تحفظ فراهم ڪري انصاف ڪيو وڃي ٻي صورت ۾ خاندان سميت قتل ٿي وينديس.