بوڪ اسٽور کي باهه، لکين رپين جو سامان سڙي رک

پير جو ڳوٺ (رپورٽر) پيرڳوٺ ۾ بوڪ اسٽور کي باهه، لکين رپين جو سامان سڙي رک، رپورٽ موجب، پيرڳوٺ ۾ درگاهه روڊ تي قائم سيد محمد علي شاهه راشدي جي بوڪ اسٽور ۾ بجلي جي شارٽ سرڪٽ سبب اوچتو باهه لڳڻ ڪري دوڪان ۾ پيل ڪتاب، اسٽينشري جو سامان، روڪ رقم سڙي رک ٿي ويا جڏهن ته سڙيل سامان جي ماليت لکين رپيه ٻڌائي پئي وڃي. ان ڏس ۾ سيد محمد علي شاهه ٻڌايو ته رات جي وقت دوڪان بند پيل هو جڏهن ته بجلي جي اچانڪ جهٽڪن ۾ شارٽ سرڪٽ مان باهه ڀڙڪڻ سبب لکين رپين جو نقصان ٿيو آهي.