6 مهينن لاءِ پاڻي ۽ بجلي جي وزارت ڏني وڃي هو ملڪ مان بجلي جي لوڊشيڊنگ جو خاتمو ڪري ڇڏيندس: رحمت خان وردگ

سکر (بيورورپورٽ) تحريڪ استقلال جي سربراهه رحمت خان وردگ دعوا ڪئي آهي ته کيس 6 مهينن لاءِ پاڻي ۽ بجلي جي وزارت ڏني وڃي هو ملڪ مان بجلي جي لوڊشيڊنگ جو خاتمو ڪري ڇڏيندو،سکر ۾ پريس ڪانفرنس ڪندي هن چيو ته ملڪ ۾ مارشلا جو ڪوبه امڪان ڪونهي حڪموت عدليا جي فيصلن جو احترام ڪري هن چيو ته سينيٽ جو چونڊون ملتوي ڪرڻ بجاءِ فوري اليڪشن ڪرائي وڃي ۽ عام چونڊن لاءِ عبوري حڪومت قائم ڪئي وڃي جيئن وچولي طبقي جا ماڻهو اسيمبلي ۾ پهچن ۽ جاگيرداراڻي نظام جو خاتمو ٿئي هن چيو ته ملڪ ۾ 6 1 صوبا۽ پنجاب ۾ 6 صوبا ٺاهيا وڃن