مرتضيٰ ڀٽو جي بهادر ساٿي ۽ ڀٽو خاندان جو وفادار سپاهي شهيد علي محمد سونارا جي اٺين ورسي جتوئي هائوس بچل شاهه مياڻي سکر ۾ ملهائي وئي
سکر (بيورورپورٽ) سنڌ پيپلز يوٿ (شهيد ڀٽو) سکر شهيد مير مرتضيٰ ڀٽو جي بهادر ساٿي ۽ ڀٽو خاندان جو وفادار سپاهي شهيد علي محمد سونارا جي اٺين ورسي جتوئي هائوس بچل شاهه مياڻي سکر ۾ ملهائي وئي، قرآن خواني بعد لنگر تقسيم ڪري شهيد جي ايثال ثواب لاءِ دعا گهري وئي. ان موقعي تي يوٿ (شهيد ڀٽو) سينيئر نائب صدر دلمراد جتوئي، محمد عيدن جتوئي، ايڊووڪيٽ علي رضا بلوچ، ياسين احمد، توفيق جتوئي، حماد گل، عمران سولنگي، سعيد جتوئي، علي مراد مهر، عبدالرزاق ڀارو ۽ ٻين اڳواڻن خطاب ڪندي چيو ته شهيد علي محمد سونارا شهيد مير مرتضيٰ ڀٽو جو بهادر ۽ وفادار ساٿي هو ۽ ڀٽو خاندان سان مرڻ گهڙي تائين نڀائيندو رهيو، هن شهيد قائد مير مرتضيٰ سان گڏ غريب هارين مزدورن، شاگردن لاءِ جدوجهد ڪئي، هن کي ان دور ان ڪيترائي ڀيرا جيلن ۾ رکي تشدد ڪيو ويندو هو پر هن مرڻ گهڙي تائين پارٽي جو مشن جاري رکيو، اڳواڻن چيو ته شهيد علي محمد سونارا جي شهادت سان جيڪو پارٽي اندر خال پيو آهي اهو اڄ به پورو نه ٿي سگهيو آهي.