منھنجي گهر واري رحمت خاتون کي سندس مائٽن زبردستي قيد ڪري ڇڏيو آهي: ڪنڌرا رھواسي

سکر (بيورورپورٽ) ڪنڌرا ڀرسان ڳوٺ ابراهيم تنيو جي رهواسي نوجوان نسيم الله تنيو ڪنڌرا پريس ڪلب ۾ پريس ڪانفرنس ڪندي چيو آهي ته سندس گهر واري رحمت خاتون کي سندس مائٽن زبردستي قيد ڪري ڇڏيو آهي هن چيو ته منهنجي گهر واري رحمت خاتون پنهنجي ماءُ سان ملڻ لاءِ گهر وئي ته جوابدارن ان کي زبردستي ڪمري ۾ بند ڪري قيد ڪري ڇڏيو آهي، مون کي خدشو آهي ته کيس ٻئي هنڌ زوريءَ پرڻائڻ يا کيس جاني نقصان رسائڻ جو انديشو آهي هن پوليس جي اعليٰ عملدارن کان گهرواريءَ جي بازيابي ڪرائڻ جو مطالبو ڪيو آهي ۽ ملوث جوابدارن خلاف ڪارروائيءَ جي گهر ڪئي آهي.