خيرپور
شڪارپور پوليس جو ميڊيڪل اسٽور تي ڇاپو، دوائن جي آڙ ۾ شراب جو وڪرو
شڪارپور: (وحيد ڦلپوٽو) شڪارپور شهر جي مشهور علائقي صدر بازار ۾ ميڊيڪل اسٽور تي ڇاپو ، اعلي درجي جون 30 بوتلون برآمد ، تفصيل موجب صدر بازار ۾ قائم عباس ميڊيڪل اسٽور جيڪو روني ڪمار عرف سنجي بابا هلائيندو آهي پوليس کي خفيه اطلاع مليو ته روني ڪمار پنهنجي ميڊيڪل اسٽور تي شراب وڪڻي رهيو آهي اهڙي اطلاع تي ايس ايڇ او نيو فوجداري نور محمد جگرو ڇاپو هڻي شراب جي بوتلن سميت ملزم کي سڳ سوڌو گرفتار ڪري ورتو جنهن تي ملزم روني ڪمار ايس ايڇ او نور محمد کي ڌهمڪيون پڻ ڏنيو ته مون جي پهچ مٿي تائين آهي توهان کي مان ڊسمس ڪرائيندس ان موقعي ته ايس ايڇ او صحافين کي ٻڌائيندي چيو ته ملزم ڪافي عرصي کان منشيات جو ڪارو، ڪاروبار ڪندڙ هو پر سندس خلاف ڪوئي به ثبوت نه ملي رهيو هو جيئن ئي ثبوت مليو ته ڇاپو هڻي کيس گرفتار ڪيو ويو آهي