سي آئي اي پوليس جو ڇاپو ، هڻي ڦر ڪيل هڪ سوزوڪي هٿ ڪري

ٺٽو(سجاد علي ميمڻ) ٺٽي جي سي آئي اي پوليس ڇاپو هڻي ڦر ڪيل هڪ سوزوڪي هٿ ڪري ٺٽي ضلعي جي روڊ رستن تي ڦرون ڪندڙ هڪ گروه جي مک جوابدار غلام شورو کي گرفتار ڪري ورتو آهي ، جنهن جي نشاندهي تي مڪلي ٿاڻي تي ٽن ڏوهارين سميت 8 جوابدارن خلاف ڪيس داخل ڪيو ويو آهي جڏهن ته ساڳئي ٽولي جي ربو ڇٽو سميت ٻن ساٿين کي حيدرآباد پوليس گرفتار ڪري سندن تحويل مان ڦر ڪيل ڪار برآمد ڪري ورتي آهي، ٺٽي جي سي آئي اي پوليس جي انچارج ناظم چانڊيو جي اڳواڻي ۾ پوليس جي جوڙيل خاص ٽيم ڇاپو هڻي ٺٽو ، جهمپير لنڪ روڊ تان ڦر ڪيل سوزوڪي نمبر KQ9699 هٿ ڪري هڪ جوابدار غلام شورو کي گرفتار ڪري ورتو آهي جنهن جي جاچ دوران ڪيترن ئي سنگين قسم جي ڏوهن بابت انڪشاف ڪيا آهن ، سندس اعتراف ۽ نشاندهي تي مڪلي پوليس هٿ ڪيل سوزوڪي جي مالڪ سليم سمون جي فرياد تي گرفتار جوابدار غلام شورو ۽ سندس ڏوهاري ساٿين عنايت برفت، شمعون برفت ۽ سڌير برفت سميت 8 جوابدارن خلاف ڦر جو ڪيس داخل ڪري ورتو آهي پوليس موجب رهيل جوابدارن جي گرفتاري لاءِ ڇاپا هنيا پيا وڃن.