خيرپور پوليس گذريل مھيني 27 ڌاڙيل، 368 روپوش، 10 اشتهاري ڏوهاري گرفتار ڪيا: ايس ايس پي
خيرپور : ايس ايس پي خيرپور عرفان بلوچ سيپٽمبر مهيني 2011 جي ڪارڪردگي رپورٽ جاري ڪندي ڄاڻايو آهي ته گذريل مهيني دوران پوليس مختلف ڪارروايون ڪندي 27 ڌاڙيل، 368 روپوش، 10 اشتهاري ڏوهاري گرفتار ڪيا آهن جڏهن ته ٻه ڌاڙيل پوليس مقابلي ۾ مارجي ويا. ڪارڪردگي رپورٽ ۾ ڄاڻايو ويو آهي ته ضلعي پوليس خيرپور ضلعي جي مختلف علائقن ۾ ڏوهارين خلاف ڪارروايون ڪندي 02 ڪلاشنڪووز، 12 عدد بندوقون، 22 عدد پسٽل، هڪ عدد رائيفل، 04 عدد ريوالور، 04 ڪيربين، 35 ڪارتوس ۽ 82 گولين جا رائونڊ پڻ هٿ ڪيا ويا آهن. جڏهن ته اهڙي طرح ضلعي پوليس ٻيون ڪارروايون ڪندي 9 ڪلو 960 گرام چرس، 9 ڪلو 500گرام ڀنگ، 155 گرام هيروئين ۽ 6 عدد شراب جون بوتلون پڻ هٿ ڪيون آهن. اهڙي طرح ڏوهن ۽ ڏوهارين جي پٺ ڀرائي ڪندڙ 12 سماج دشمن عناصر کي 107 سي ار پي سي تحت، ٻن کي 109 سي آر پي سي تحت ۽ ٻن پاٿاريدارن کي پڻ گرفتار ڪيو ويو آهي.