تيل قيمتن اضافو عوامي حڪومت جي واعدن ۽ دعون جي نفي آهي .اسدالله ڀٽو
ڪراچي: جماعت اسلامي سنڌ جي امير۽ اڳوڻي ايم اين اي مولانا اسدالله ڀٽو حڪومت پاران پيٽروليم شين جي قيمتن ۾ هڪ ڀيرو ٻيهر واڌ جي مذمت ڪندي ان کي ظالماڻو قدم ۽ عوام مٿان بجلي ڪيرائڻ جي برابر قرار ڏنو آ هي .هن اڄ هڪ بيان ۾ چيو ته عالمي منڊي ۾ تيل جي قيمتن ۾ لاڳيتو گهٽتائي باوجود پاڪستان ۾ تيل قيمتن ۾ بنا ڪنهن سبب جي اضافو عوامي ۽ جمهوري حڪومت جي واعدن ۽ دعون جي نفي آهي .تيل قيمتن ۾ هاڻو ڪي اضافي سان عوام جي مشڪلات ۾ اڃان به وڌارو ٿي ويندو ۽ ٽرانسپورٽ سميت زندگي جي روزاني استعمال وارين شين جي قيمتن ۾ ٻيڻ تي اضافو ٿي ويندو .هن چيو ته مهانگائي،بيروزگاري،بدامني ۽ برستاتن سميت قدرتي آفتن سبب عام ماڻهو اڳ ۾ ئي سخت اذيت جو شڪار آهي .بدترين لوڊشيڊنگ ۽ هاڻي وري تيل جي قيمتن ۾ اضافو غريب عوام جي وات مان آخري گرهه به کسڻ جي ڪوشش آهي،زرداري حڪومت غربت کي ختم ڪرڻ جي بدران غريبن کي ختم ڪرڻ جي پاليسي تي عمل پيرا آهي