مختصر خبرون
نئين بس ٽرمينل ڀرسان ڊينٽر پينٽر ڪالونيءَ ۾ جاري ترقياتي ڪمآخري مرحلي ۾ داخل ٿي چڪا آهن: سکر
سکر (بيورو رپورٽ)موٽر ورڪس ايسوسئيشن جي صدر تاج محمد شيخ چيو آهي ته نئين بس ٽرمينل ڀرسان ڊينٽر پينٽر ڪالونيءَ ۾ جاري ترقياتي ڪمآخري مرحلي ۾ داخل ٿي چڪا آهن ۽ ضلعي انتظاميا پاران مڪمل دٻاءُ آهي ته جلد کان جلد مسترين کي شهر کان ٻاهر منتقليءَ تي يقيني بنايو وڃي. موٽر ورڪس ايسوسئيشن جي مجلس عامله جي هڪ اهم اجلاس کي خطاب ڪري رهيو هيو، ان موقعي تي نائب صدر شفيق آرائين، سرپرست اعليٰ جان خان، عارف، ذاڪر خان، شڪيل ڀٽي، الاهي بخش سميت ٻيا زميدار به موجود هئا. اجلاس ۾ تنظيمي امور ۽ خاص ڪري مسترين کي ٻاهري منتقليءَ جي حوالي سان تفصيلي غور و فڪر ڪيو ويو . تاج محمد شيخ چيو ته 0 3 فيصد مستري ٻاهر منتقل ٿي چڪا آهن، باقي مستري تياري ڪري رهيا آهن، هن چيو ته موٽر ورڪس ايسوسيئشن مسترين جي متنقلي لاءِ ضلعي انتظاميا سان گڏ مڪمل تعاون ڪري رهي آهي.