اڄ 4 وڳي حضرت قادر بخش جي مزار تي محفل مشاعرو ٿيندو

سکر (بيورورپورٽ) سنڌ ۽ هنڌ جي عظيم صوفي مفڪر، عالم ۽ شاعر حضرت قادر بخش بيدل جي 143 هين سالياني عرس مبارڪ جي ٻئي ڏينهن تي مهنديءَ جي رسم ادا ڪئي وئي ۽ راڳ رنگ جي محفل شروع ٿي، جنهن ۾ مقامي فنڪارن صوفياڻا راڳ ڳائي عقيدتمندن کي جهومائي ڇڏيو. اڄ 4 وڳي محفل مشاعرو ٿيندو ۽ 6 وڳي بيدل ادبي ڪانفرنس بيدل آڊيٽوريم هال ۾ منعقد ٿيندي جنهن جو مهمان خاص وفاقي وزير مذهبي امور سيد خورشيد احمد شاهه هوندو ۽ ضلعي ايڊمنسٽريٽر ڊي سي او سکر انعام الله ڌاريجو حضرت فقير قادر بخش بيدل جي 143 هين ساليانا عرس جي موقعي تي اڄ ڇنڇر جي ڏينهن سکر ضلعي اندر مقامي موڪل جو اعلان ڪيو آهي.