ڊاڪٽر عافيه صديقي جي رھائي لاءِ ٺٽو پريس ڪلب آڏو مظاھرو
ٺٽو(سجاد علي ميمڻ) ڊاڪٽر عافيه صديقي جي آزادي لاءِ پريس ڪلب ٺٽو آڏو مختلف تنظيمن جو احتجاجي مظاهرو ۽ ريلي ، ڊاڪٽر عافيه صديقي جي آزادي لاءِ پاسبان ٺٽو جي اڳواڻن احسان جاکرو هوش محمد عباسي انصاف اسٽوڊنٽس فيڊريشن جي اڳواڻن وقار عباسي زوار خان ۽ بيروزگار نوجوان تحريڪ جي اڳواڻن عنايت شاهه ۽ ٻين جي اڳواڻي ۾ ڪارڪنن ريلي ڪڍي پريس ڪلب ٺٽو آڏو احتجاجي مظاهرو ڪيو مظاهرين جي هٿن ۾ ڊاڪٽر عافيه صديقي جي آزادي جا پلي ڪارڊ ۽ بينر هئا ، ان موقعي تي اڳواڻن خطاب ڪندي چيوته آمريڪي باشندو ريمينڊ ڊيوس کلي عام ڏوهه ڪري ٻه ماڻهن کي ماري ٿو پر کيس بي ڏوهي قرار ڏيئي آزاد ڪيو ٿو وڃي، پر پاڪستان ڄائي ڊاڪٽر عافيه صديقي کي ڪوڙن الزامن تحت 86 سال قيد جي سزا ڏني ويئي آهي بي حسي اها آهي جو مهذب دنيا سپر پاور آڏو دانهڻ جي به جرئت نه ٿي ڪري هنن فوري طور ڊاڪٽر عافيه صديقي جي آزادي جو مطالبو ڪيو .