سرندي وارا پنهنجو ڪردار ادا ڪن .ڊاڪٽر سيد وسيم اختر
ڪراچي: جماعت اسلامي جو مرڪزي سڪريٽري جنرل لياقت بلوچ سنڌ جي ٻن ڏينهن جي دوري تي ڇنڇرتي(اڄ) ڪراچي پهچندو.صوبائي ترجمان مجاهد چنا موجب هو 18۽ 19 سيپٽمبر تي سنڌ ۾ طوفاني برساتن کان متاثر ضلعن جو تفصيلي دورو ڪندو جتي هو هيل تائين الخدمت فائونڊيشن طرفان برسات سٽيلن جي امداد ۽ بحالي لاءِ ڪيل امدادي سرگرمين جو جائزو وٺندو.صوبائي امير اسدالله ڀٽو،الخدمت فائونڊيشن جا ٻيا عهديدار پڻ ساڻس گڏ هوندا.
هوڏانهن جماعت اسلامي پنجاب طرفان سمورن ضلعن ۾ سنڌ جي ٻوڏ متاثرن جي مدد لاءِ رليف ڪئمپ لڳايا پيا وڃن،جماعت اسلامي پنجاب جي امير ۽ اڳوڻي ايم پي اي ڊاڪٽرسيد وسيم اختر مڙني عهديدارن کي هدايتون جاري ڪري ڇڏيون آهن ته هو هن مصيبت جي گهڙي ۾ ڦاٿل پنهنجي سنڌي ڀائرن جي واهر لاءِ ڀرپور ڪردار ادا ڪن .هن پنجاب جي عوام کي پڻ اپيل ڪئي ته هو دل کولي برسات سٽيلن جي مدد لاءِ اڳتي اچن.