مختصر خبرون
بيروزگار نوجوان تحريڪ ٺٽو پاران 25 ڏينهن به پريس ڪلب ٺٽو اڳيان مظاھرو
ٺٽو(سجاد علي ميمڻ) ضلعي ٺٽي جي مختلف سرڪاري کاتن توڙي اين جي اوز ۾ نوڪريون ڏيڻ بجاءِ ٻاهرين ماڻهن جي سفارش جي بنيادن تي ٿيل ڀرتين خلاف بيروزگار نوجوان تحريڪ ٺٽو پاران 25 ڏينهن تي پڻ پريس ڪلب ٺٽو اڳيان بيروزگار نوجوان ممتاز علي شيخ، عنايت شاهه ، سڪندر شاهه، هوش محمد عباسي ۽ ٻين پاران پنهنجا گرده ۽ معصوم ٻارڙا وڪرو ڪرڻ لاءِ هوڪن ڏيڻ جو سلسلو جاري رکيو ويو، گرده ۽ ٻار وڪرو ڪندڙ بيروزگار نوجوانن چيو ته هو گذريل 25 ڏينهن کان مطالبن جي مڃتا لاءِ گرده ۽ معصوم ٻار وڪر ڪرڻ لاءِ هوڪا ڏيئي رهيا آهن پر حڪمران توڙي چونڊيل نمائنده نوٽيس وٺڻ لاءِ تيار نه آهن، هنن چيو ته سندن جدوجهد مطالبن جي مڃتا تائين جاري رهندي