بيروزگار نوجوانن جي احتجاج کي 2 هفته مڪمل
ٺٽو(سجاد علي ميمڻ) ٺٽو پريس ڪلب اڳيان بيروزگار نوجوانن جي احتجاج کي 2 هفته مڪمل، احتجاجي ڪيمپ تي گرده ۽ ٻار کپائڻ جا هوڪا ڏيئي احتجاج جو سلسلو جاري ڪنهن به چونڊيل نمائندن توڙي حڪومت معاملي جو نوٽيس نه ورتو، گذريل 14 ڏينهن کان پريس ڪلب ٺٽو اڳيان احتجاجي ڪيمپ قائم ڪري گرده کپائڻ ۽ پنهنجا ٻار کپائڻ لاءِ هوڪا ڏيئي احتجاج ڪندڙ ٺٽي جي بيروزگار نوجوانن جي احتجاج کي ٻه هفته مڪمل ٿي ويا آهن گذريل ڏهاڙي به عنايت شاهه ، ممتاز شيخ، احسان جاکرو ۽ ٻين جي اڳوڻي ۾ ڊگري يافته بيروزگار نوجوانن ٺٽي ضلعي جي سرڪار توڙي غير سرڪاري ادارن ۾ غير مقامي ماڻهن جي ڀرتي ۽ کين نوڪرين ۾ نظرانداز ڪري ويساهه گهاتي ڪرڻ خلاف احتجاج جاري رکيو ۽ ڪيمپ تي پنهنجا گرده ۽ معصوم ٻارڙا کپائڻ جا هوڪا ڏيندا رهيا ٻه هفتا گذرڻ باوجود پريس ڪلب ٺٽو ٻاهران مين نيشنل هاءِ وي جي ڪناري تي احتجاجي ڪيمپ قائم ڪري هزارين ماڻهن جي توجهه جو مرڪز بڻيل بيروزگار نوجوانن جي هن انوکي احتجاج جو حڪومت توڙي چونڊي عيوضين ۽ ٺٽي ضلعي سان تعلق رکندڙسنڌ ڪابينا جي ميمبرن ڪو به نوٽيس نه ورتو آهي جنهن سبب احتجاج ڪندڙ نوجوانن ۾ مايوسي ۽ پريشاني ڦهلجي ويئي آهي.