بشير خان قريشي ۽ سندس ساٿين جي گرفتاري خلاف خلاف ٺٽو جي مختلف شهرن ۾ هڙتال، ٽائرن کي باهيون
ٺٽو(سجاد علي ميمڻ) جسقم چيئرمين بشير خان قريشي ۽ سندس ساٿين جي قانون لاڳو ڪندڙ ادارن جي اهلڪارن پاران گرفتاري خلاف ٺٽو جي مختلف شهرن ۾ هڙتال، ٽائرن کي باهيون ڏيئي احتجاجي مظاهرا ڪري ڌرڻا هنيا ويا، جسقم چيئرمين بشير خان قريشي ۽ ساٿين جي گرفتاري جي خبر ملندي ٺٽو شهر ۾ ڪارڪن مڇرجي ٻاهر نڪري آيا ۽ سڄي شهر ۾ هڙتال ڪرائي ڇڏي، جنهن سبب شهر جا ڪاروباري مرڪز ، شاهي بازار، سونارا بازار ، کيرابازار ۽ پئٽرول پمپ بند ٿي ويا ۽ مڇريل ڪارڪنن پاران ٽائرن کي باهيون ڏيئي ٺٽو ڪراچي روڊ بلاڪ ڪري ڌرڻو هنيو ،ان موقعي تي ضلعي صدر غلام سرور خشڪ ، اسحاق خشڪ ، غلام حسين خاصخيلي ۽ ٻين جسقم چيئرمين بشير خان قريشي سميت ٻين ساٿين جي آزادي جو مطالبو ڪيو، ٺٽو، مڪلي، ور، غلام الله ، داٻيجي، گجو ،گهارو سميت ٻين شهرن ۾ هڙتال رهي جڏهن ته ڪنهن اڻوڻندڙ واقعي کي منهن ڏيڻ لاءِ وڏي تعداد ۾ پوليس ۽ رينجرس جا اٽالا الرٽ رهيا.