ٺٽي برستات متاثرين لاءِ رليف ڪيمپون قائم

ٺٽو( سجاد علي ميمڻ) ٺٽي ضلعي اندر مسلسل برساتن سبب متاثر ٿيل ماڻهن لاءِ سجاول، جاتي ۽ جهوڪ شريف ۾ 7 رليف ڪئمپون قائم ڪري سندن سهائتا لاءِ ضلعي حڪومت سنڌ حڪومت کان مدد طلب ڪري ورتي آهي، 3 ڏينهن کان لڳاتار زوردار برساتن سبب سجاول شهر جي ڪچي آبادي جي رهواسي متاثرين 70 خاندانن کي ڊي ڊي او روينيو سجاول جي آفيس ۾ ڪيمپ قائم ڪري رهايو ويو آهي جڏهن ته جهوڪ شريف جي هاءِ اسڪول ۾ هڪ ڪيمپ قائم ڪري 15 خاندانن کي اتي منتقل ڪيو ويو آهي ٻئي طرف جاتي شهر جي ڪچي آبادي وارن علائقن ۾ پڻ برساتي پاڻي بيهجي وڃڻ ڪري ڪيترائي ڪچا گهر پاڻي هيٺ اچي ويا آهن جن لاءِ جاتي جي مختلف سرڪاري عمارتن ۾ 5 مختلف رليف ڪيمپون قائم ڪري اتي 2 سئو ماڻهن کي رهايو ويو آهي جتي ضلعي انتظاميا ۽ سماجي اداري عمران فائونڊيشن پاران کين راشن ۽ امدادي سامان پهچايو ويو ، جڏهن ته ڊي سي او ٺٽو محمد جعفر عباسي صوبائي وزير مظفر شجراع سان رابطو ڪري کين برسات متاثرين جي امداد لاءِ مدد جي اپيل ڪئي آهي.