عوامي تحريڪ ۽ ٺٽو بار جي وڪيلن پاران سنڌ کي ٻن انتظامي حصن ۾ ورهائڻ خلاف ريليون

ٺٽو(سجاد علي ميمڻ) عوامي تحريڪ ۽ ٺٽو بار جي وڪيلن پاران سنڌ کي ٻن انتظامي حصن ۾ ورهائڻ خلاف دار دار ريليون ڪڍي ڌرڻا هنيا ويا ، ٺٽو بار ايسوسيئشن جي صدر اعجاز شاهه، ۽ پنهون عقيلي جي اڳواڻي ۾ايڌ ي سينٽر کان پريس ڪلب ٺٽو تائين احتجاجي مارچ ڪري ڌرڻو هنيو ۽ پ پ حڪومت خلاف سخت نعريبازي ڪئي. جڏهن ته عوامي تحريڪ پاران مٺا خان لاشاري، صاحب خان کوسو، عثمان لاشاري جي اڳواڻي ۾ ريلي ڪڍي ڌرڻو هڻي سخت نعريبازي ڪئي ويئ. ڌرڻي کي خطاب ڪندي اڳواڻن چيو ته سنڌ ڌرتي هزارين سالن جي تاريخ ۽ تهذيب رکندڙ ڌرتي آهي جنهن کي انتظامي ٻن حصن ۾ ورهائڻ سنڌ دشمنن جي ايجنڊا تي ڪم ڪرڻ برابر آهي هنن چيو ته اهڙين سنڌ دشمن سازشن خلاف هر محاذ تي مزاحمتي جنگ جاري رکي ويندي.