ڊپٽي ڪمشنر مٺڙي لڳ محبت واهه کي پوندڙ گهاري جي جاءِ تي پهچي حالتن جو جائزو ورتو

خيرپور : ڊپٽي ڪمشنر خيرپور محمد عباس بلوچ ڳوٺ مٺڙي لڳ محبت واهه کي پوندڙ گهاري جي جاءِ تي پهچي حالتن جو جائزو ورتو ان موقعي تي ڊي سي خيرپور آبپاشي کاتي جي عملي جي گهاري کي وقت سر بند نه ڪرڻ تي سخت ناراضگي جو اظهار ڪيو جڏهن ڊيوٽي ۾ غفلت ڪندڙن ايس ڊي او شير محمد ويسر، داروغو مير محمد رِڏ ۽ سب انجنيئر شاهد علي کي معطل ڪرڻ لاءِ ايس اي آبپاشي کاتي ولي محمد نائچ کي هدايتون جاري ڪيون. ان موقعي تي علائقي واسين ڊپٽي ڪمشنر جي اهڙي حُڪم جي واکاڻ ڪئي. جڏهن ته ڊي سي ڪمشنر آبپاشي کاتي جي اعلى عملدارن کي ضلعي اندر واهن ۾ پوندڙ امڪاني گهارن کي روڪڻ جي لاءِ وڌ ۾ وڌ ڪوششن وٺڻ جون هدايتون جاري ڪيون ۽ ڊيوٽي ۾ غفلت ڪندڙن آبپاشي کاتي جي عملدارن خلاف آبپاشي کاتي جي سيڪريٽري کي لکت ۾ رپورٽ موڪلڻ لاءِ ايس ڊي ايم خيرپور کي هدايتون جاري ڪيون.