پشاور جي علائقي متني بازار ۾ واقع بس اڏي جي ويجھو ڌماڪي ۾ 6 افراد فوت ٿي ويا

پشاور: پوليس ذريعن جو چوڻ مطابق پشاور جي جي علائقي متني بازار ۾ ڌماڪو ھڪ پڪ اپ ويگن ۾ ٿيو جيڪا ڪال خيل وڃي رھي ھئي ڌماڪي جي نتيجي ۾ 6 ماڻھو موقعي تي فوت ٿي ويا جڏھن ته ڏھ زخمي ٿي پيا ڌماڪي کان پوءِ ريسڪيو جون ٽيمون واقعي واري ھنڌ پھچي ويون ۽ زخمين کي طبي امداد لاءِ اسپتال منتقل ڪيو پيو وڃي. ھنگامي صورتحال جي ڪري ليڊي ريڊنگ اسپتال ۾ ايمرجنسي نافذ ڪئي وئي جڏھن ته قانون نافذ ڪرڻ وارن ادارن علائقي جو گھيرو ڪري تحقيق شروع ڪري ڏني آھي.