ٽن سالن کان اغوا ناريءَ کي پوليس اڃان تائين بازياب نه ڪرائي سگھي، وارثن جو احتجاج

ھنڱورجا ( غلام شبير تنيو) : ھنڱورجا ڀرسان ڳوٺ وڌڻپوٽا مان ٽي سال اڳ اغوا ٿيل 5 ٻارڙن جي ماءٌ مسمات رضيه وڌڻپوٽوجي بازيابي لاءِ سندس وارث عورتن مردن ۽ ٻارن وحيد وڌڻپوٽو،حاجي غلام قادر وڌڻپوٽو،مسمات آمنه وڌڻپوٽو جي اڳواڻي ۾ پريس ڪلب آڏو ٻئي ڏينهن به احتجاجي مظاهرو ڪيو. اڳواڻن الزام لڳايو ته ٽي سال اڳ5 هٿياربندن هٿان اغوا ٿيل مسمات رضيه وڌڻپوٽو کي اڃان تائين پوليس بازياب ڪرائي ناهي سگهي. پوليس روزانو ڪوڙا دلاسا ۽ ڏٽا ڏيئي رهي آهي. هنن چيو ته ڪيس ۾ ڃاڻايل جوابدار اسان کي موتمار ڌمڪيون ۽ ڪوڙن ڪيسن ۾ڦاسائڻ جون ڌمڪيون ڏئي رهيا آهن. هنن مطالبو ڪيو ته ڪيس ۾ ڄاڻايل جوابدار گرفتار ڪري مسمات رضيه کي بازياب ڪرايو وڃي. ٻي صورت ۾ مرڻ گهڙي تائين بک هرتال شروع ڪئي ويندي.