رانديون
ويسٽ انڊيز ۽ ڀارت آخري ون ڊي لاءِ اڄ آمهون سامهون ٿيندا
ڪنگسٽن : ويسٽ انڊيز ۽ ڀارت جي ڪرڪيٽ ٽيمن وچ ۾ پنجين ۽ آخري هڪ ڏينهن واري بين الاقوامي ڪرڪيٽ ميچ اڄ سابينا پارڪ ڪنگسٽن ۾ کيڏي ويندي. ڀارت پهرين ٽن ميچن ۾ ميزبان ٽيم کي شڪست ڏئي 5 ميچن جي سيريز اڳ ۾ پنهنجي نالي ڪري ڇڏي آهي پر چوٿين ميچ ۾ ويسٽ انڊيز ڀارت کي 103 رنسن تان هارائي ڇڏيو هو. ويسٽ انڊيز ڪپتان ڊيرن سمي جو چوڻ آهي ته سندس ٽيم ڀارت کي سيريز جي پنجين ميچ ۾ پڻ شڪست ڏيندي. ڀارتي ڪپتان سريش رائنا چيو آهي ته ويسٽ انڊيز هٿان چوٿين ميچ ۾ شڪست باوجود سندس ٽيم سيريز جي آخري ميچ ۾ ميزبان ٽيم کي شڪست ڏيندي. هن چيو ته چوٿين ميچ ۾ سندس ٽيم جا رانديگر جلدي آئوٽ ٿي ويا. هن چيو ته ويسٽ انڊيز بالرز شاندار بالنگ جو مظاهرو ڪيو جنهن سبب کين شڪست کي منهن ڏيڻو پيو.
مانيٽرنگ ڊيسڪ