گجو شهر ۾ چئن ڏينهن کان بجلي بند، شھرين جو مظاھرو

ٺٽو(سجاد علي ميمڻ) ٺٽي لڳ گجو شهر ۾ چئن ڏينهن کان بجلي بند هجڻ ۽ پاڻي جي کوٽ خلاف شهرين جو قومي شاهراهه تي ڌرڻو روڊ بلاڪ نعريبازي ، ٺٽي لڳ گجو شهر ۾ گذريل چئن ڏينهن کان وٺي بجلي بند هجڻ ۽ پاڻي جو بحران پيدا ٿيڻ خلاف گجو جي شهرين احتجاج ڪندي ٺٽو ڪراچي قومي شاهراهه تي ڌرڻو هڻي روڊ بلاڪ ڪري ڇڏيو ۽ واپڊا انتظاميا خلاف سخت نعريبازي ڪئي ان موقعي تي شهرين دانهيندي ٻڌايو ته گذريل چئن ڏينهن کان وٺـي شهر ۾ بجلي بند هجڻ ڪري شهر جو ڪاروهنوار متاثر ٿيو آهي ۽ بجلي بند هجڻ ڪري شهر ۾ پاڻي جي فراهمي به معطل آهي جنهن سبب پاڻي جي کوٽ پيدا ٿي ويئي آهي، ان موقعي تي واپڊا جي عملدارن پهچي شهر ۾ بجلي بحال ڪرائي احتجاج ختم ڪرايو هوڏانهن رابطو ڪرڻ تي ٽي ايم او ميرپورساڪرو منظور عباسي ٻڌايو ته گجو شهر ۾ بجلي جي بحران سبب پاڻي جي فراهمي متاثر ٿي آهي.