لاڙڪاڻو
صدر آصف علي زرداري آصفه ڊينٽل ڪاليج لاڙڪاڻي جو افتتاح ڪري ڇڏيو، ڪاليج تي 160.2 ملين رپين جي لاڳت آئي آهي
نئون ديرو: صدر آصف علي زرداري ڪالهه اڱاري ڏينهن آصفه ڊينٽل ڪاليج لاڙڪاڻي جو افتتاح ڪيو. هي ڪاليج 160.2 ملين رپين جي لاڳت سان تعمير ڪيو ويو آهي، جيڪو شهيد محترمه بينظير ڀٽو ميڊيڪل يونيورسٽي لاڙڪاڻ جو هڪ ذيلي ادارو آهي، آصفه ڊينٽل ڪاليج لاڙڪاڻي ۾ ڪلاس هن سال سيپٽمبر کان شروع ٿيندا، ميرٽ جي بنياد تي 50 شاگردياڻيون کي داخلا ڏني ويندي. هي اتر سنڌ ۾ پهريون ڊينٽل ڪاليج آهي. شهيد محترمه بينظير ڀٽو ميڊيڪل يونيورسٽي لاڙڪاڻو جي وائيس چانسلر پروفيسر اڪبر حيدر سومرو صدر کي اداري جي باري ۾ آگاهه ڪيو. هن چيو ته ڪاليج لاءِ استادن جي خدمتن کي حاصل ڪرڻ جو عمل شروع ڪري ڇڏيو آهي، ان موقعي تي صدر جي صاحبزادي بختاور ڀٽو زرداري به موجود هئي.
اي پي پي