گذريل مهيني ۾ 31 ڌاڙيل ، 163 روپوش ۽ 11 اشتهاري ملزم گرفتارڪيا ويا

خيرپور: ڊي پي او خيرپور عرفان بلوچ اپريل مهيني جي ڪارڪردگي رپورٽ ۾ ڄاڻايو آهي ته گذريل مهيني ۾ 31 ڌاڙيل ، 163 روپوش ۽ 11 اشتهاري ملزم گرفتارڪيا ويا آهن جڏهن ته گذريل مهيني هڪ ڌاڙيل پوليس مقابلي ۾ مارجي ويو. جڏهن ته رپورٽ ۾ ڄاڻايل آهي ته ته ضلعي پوليس ضلعي جي مختلف علائقن مان 09 ڪلاشنڪووز، 06 بندوقون ،23 پسٽل، 02 ريوالور، هڪ جي ٿري رائيفل، هڪ ڪيريبين، 42 ڪارتوس ۽ 293 گولين جا رائونڊ پڻ هٿ ڪيا آهن. جڏهن ته ضلعي پوليس مختلف ڪاروايون ڪندي 3 ڪلو 980 گرام چرس، 3 ڪلو 500 گرام ڀنگ ۽ 20 بوتلون 30 ليٽر شراب پڻ هٿ ڪيو ويو آهي. جڏهن ته سماجي بُرائي ۾ ملوث 20 ڄڻن کي سي آر پي سي 107 تحت ۽ ٻن پاٿاريدارن کي پڻ گرفتار ڪيو ويو آهي.