خيرپور: اي دي او ھيلٿ گڏجاڻي جي صدارت ڪنديخيرپور: ليڊي ولنگٽن اسپتال جي سلسلي ۾ مختلف اخبارن ۾ شايع ٿيل خبر جو نوٽيس وٺندي اي ڊو او هيلٿ سيد لياقت علي شاه پاران PMA هائوس سٽي اسپتال خيرپور ۾ اهڙي خبر جي جاچ جي سلسلي ۾ گڏجاڻي ڪوٺائي وئي جنهن ۾ اهو ڄاڻايو ويوهو ته ڊاڪٽرياڻي جي غير موجودگي سبب هڪ مريضه فوت ٿي وئي. اي ڊي او هيلٿ پاران انهي خبر بابت پنهنجو موقف ڄاڻائيندي سخت احتجاج ڪيو ته ساڳي خبر بنا ڪنهن تصديق جي شايع ٿيل آهي، جنهن ۾ اسپتال انتظاميه جوڪو به موقف ڪو نه ڄاڻايل آهي. جڏهن ته حقيقت اها هئي ته متعلقه ڊاڪٽرياڻيون پنهنجي ڊيوٽي تي موجود هيون ۽ مريضه ڳڻتي جوڳي حالت ۾ داخل ٿيل هئي، جنهن کي علاج مهيا ڪيو ويو ۽ سندن جان بچائڻ لاءِ سڀ وسيلا ڪتب آندا ويا جڏهن ته بدقسمتي سان مريضه جانبر نه ٿي سگهي. اي ڊي او هيلٿ ميڊيا جي نمائندن سان سخت احتجاج ڪندي چيو ته ميڊيا وارن کي اهڙي قسم جون اڻ تصديق ٿيل خبرون شايع نه ڪرڻ کپن ۽ گھٽ ۾ گھٽ لاڳاپيل انتظاميه جو موقف ضرور ڄاڻڻ گھرجي. جنهن ۾ ڊاڪٽرن، PMA اسٽاف ۽ ميڊيا جي نمائندن پڻ شرڪت ڪئي.
